10 August, 2008

අපහාසය, තලෙයීබාන් බුද්දාගම සහ තහනම් සංගීතය (පුද්ගල අපහාසයට පිලිතුරු)

දැන් මේ හාමුදුරු ගොල්ලක් බුදු පිලිමයකට පිටිපාල ජායාරූපයක් අරගෙන නොවෑ. ඉතින් ඕක ගැන කල බැගෑනියයී. මේ පිලිබද හොද සාජ්ජයක් මෙම වෙබ් පිටුවේ තිබුනා. අනිත් අයගේ බ්ලොග් පිටු වටලට හොට දාන එක මගේ පුරුද්දනේ. මමත් ඉතින් ගිහිල්ල මගේ අදහස පැදුරෙ කොනක වාඩි වෙලා කීව. සාජ්ජය බොහොම හොදයී. හැබැයී පොඩි පරහකට හිටියෙ, මම ඔය පින්තූර කලබැගීනිය ලොකු වරදක් විදිහට මම දකීන්නේ නැති එකයී. ඉතින් අපේ උන්දෙලා, සාජ්ජය පැත්තකින් තියලා, මට පුද්ගල ප්රහාර එල්ල කොරලා තිබුනා. පුද්ගලික බස් වල යන අපිට, ඔය වාග් ප්රහාර තකන්න දේවල් නොවැයී. මම ඒ ගැන උත්තරයක් මෙතන කුරුටුගාන්න හිතුවේ, මගේ අදහස් උදහස් ඒ බ්ලොග් පිටුවෙ පල කොරන්නෙ අනුකාම්පා උපදවාලාය වගේ කතාවක් වටින් ගොඩින් දොඩලා තිබුන නිසා. නැත්තම් මගේ අදහස් පල නොකර ඉන්නවා යැයී දොඩා තිබූ නිසා. කොහොමත් ඉතින් ඕනෙම ආගමක්ගැන කතා කොරනකොට, කතා කිරීමේ නිදහස බොහොම අඩුවෙන් තමයී තියෙන්නේ. ලංකාවෙ බුද්දාගමේයී කියලා දැන් දැන් වැඩි වෙනසක් නැහැ.

පහුගිය කතාව කෙටියෙන් කීවොතින්, මේ හාමුදුරුවරු ගොල්ලක් බුදු පිලිමයක් යටට වෙලා පින්තූරයක් අරගෙන. නමුත් ඉතින් අනිත් උදවිය කියන්නේ, බුදු පිලිමයට පිටුපා පින්තූරකට පෙනී සිටිනවා කියලායී. විවිද පුද්ගලයන්ට විවිද දර්ශන තියනා එක අමුතු දෙයක් නොවැයීනේ. ඒ නිසා, ඉස්සරහද, යටද, පැත්තෙද කියන එක ගැන මම විවාද කොරන්න යන්නේ නැහැ. මේ පින්තූරයේ ඉන්න හාමුදුරුගොල්ලනව රජයේ මැදිහත් වීමෙන් සාසනයෙන් අතුගා දමන්න ඕනෑයී කියලා තමයී අපේ උන්දෙලාගෙ යෝජනව.

වගේකට උඩින් මම ගරුත්වය, මොහිදීන් සහ ලාංකිකයැන්යැයී (Respect, Mohammad and Sri Lankans) කියලා පිටුවක් හමාරක් ලීවා. ඒ ලිපියෙදී මෙවැනිම කාරනයක් ගැන හොද සාජ්ජයක් තිබුනා. මතකනේ, බෝනික්කෙක් මොහිදීන්යැයී නම් කලායැයී කියල, බාලන්සේ ගුරුවරියට කසපහර දෙන්නයැයී කාන්ඩයක් මහා කල බැගෑනියක් කොලා. ඒ කාරනයයී මේ කාරනයයී අතර මහා වෙනසක් නැහැ. දෙකම එක වගේ. එකම පදනමයී.

මේ පින්තූරයට පෙනීසිටිය පුද්ගලයන්ට රුපියල් ලක්ශෙක දඩ මුදලක් සහ අවුරුදු දෙකක හිර දඩුවමක් දෙන්න සිරි ලංකා ජන රජයේ නීතිය අනුව පුලුවන්. කිරියාත්මක කොරන එක විතරයී ඉතුරු වෙලා තියෙන්නේ. ඔය කාරනයේ තියන බරපතල කම ගැන මම හැම විටේකම කියලා තියෙනවා. ඒ පිලිබදවම මම මෙතෙන ඉංගිරිසියෙන් කුරුටුගෑව.

මේ ජායාරූපයේ කතාවට ආවොතින්, මම පලමු සාජ්ජයේදී අහපු කාරනය තමයී, බුදුපිලිමයක් ඉදිරියෙන් සිටගෙන සිටීමෙන් අපහාසයක් සම්පූර්න වෙන්නට, බුදු පිලිමයට කොතරම් දුරින් සිටගෙන ඉන්න ඕනැද, කුමන ආකාරයේ කරුනු සම්පූර්න විය යුතුද යනාදිය යැයී. නමුත් මගේ පුරස්නෙට උත්තර නොදී, මගේ ශරීර ප්රමානය, දැනුම ප්රමානය, සංගීත රුචිකත්වය යනාදී දේ ගැන අපේ උන්දෙලා කතා කොරන්න හදිස්සි තීරනයක් ගත්තා නොවැ. මම ඔය කාරනය හැගිස්සුවෙ බොලන්ඩ වෙන මක්කටවත් නෙමෙයී, මේ ජායාරූපයේ ඉන්නා උදවිය වසර දෙකකට මහ උලුගෙදර යවන්න රටේ නීතිය අනුව අපි බැදුලා ඉන්න නිසා. නීතියක් තියනවානම් ඒවට පැහැදිලි මිනුම් තියෙන්න ඕනෑ නොවැ. ආවාට ගියාට අපහාස කොලා කියලා බැහැ නොවැ.

මේ දශකයේ ලෝකෙ මුහුන දීල තියන ප්රදාන පුරස්නය ආගමික පුරස්නයී. අපිටත් ඔය රැල්ලෙන් ගැලවීමක් නැති හැඩයී. අරම අපහාස කොලයී, මෙහෙම අපහාස කොලයී කියලා ලෝකෙ පුරාම ගජරාමෙට අර්බුද. ඕන් වංගියකට උඩදි, බුද්ධ රූපයක් බිකිනියක ඇදලායැයී, සපත්තුවක ඇදලායැයී වස කාල ගෝට්ටියක් කොලා. පත්තරේ ඒවයේ රූප පල කොලා, රූපවාහිනියෙ පෙන්නුවා. මමත් කාලයක් තිස්සේ රෙදි සපත්තු ගන්න යනවා. කවදාවත් බුදුරූප තියෙන සපත්තු කූට්ටමක්නම් හම්මුවෙලා නැහැ. දන්නා උදවියගේනුත් ඇහූව ඒගොල්ලන්ටවත් කවදහරි ඒආකරයේ සපත්තුවක් බිකිනියක් හමුවෙලා තියෙනවාදැයී කියා. අනේ ඕන් උන්දෙලා දැකලත් නැහැ, ඔය ගැන පත්තරේ දකිනකන්. මේ උදවිය මොන රාජ්ජේන් හොයා ගෙන ඇවිල්ල අපේ ලේ රත්කරන්නයැයී අපිට පෙන්නවාද දන්නෙ නැහැ. ඊලගට ඔය රූප හැම තැනම පල කොරනවා. ප්රසිද්ද කොරනවා. හැමෝටම පෙන්නනවා. ඒක දැක්කහම ඇතතටම අපහාස කොරන්න ඕනෙකම තියෙන්නේ, අපේ උන්දෙලාටයැයී කියලත් සාදාරන දෙගිඩියාවක් එනවා.

ඕව දැක්කම මට මතක් වෙන්නේ ඩෙන්මාර්කෙ පල කරපු මොහීදීන් උන්නාසෙගෙ කාටූන් රූප ගැනයී. කාන්ඩයක් ඔය රූපවලට අතිනුත් රූප දෙකක් දාල, ලෝකෙ පුරාම ගෙනිහිල්ලා පෙන්නලා උද්ගගෝශන සංවිදානය කොලා. ඉක්මනට ප්රසිද්ද වෙන්න පුලුවන් විදිහක්නේ. අනේ ඉතින් ඩෙන්මාර්කෙ ලෝක සිතියමකවත් දැකලා නැති උදවියත් තමන්ගෙ දරුවන්ට කවන පොවන එක නවත්තලා, තමන්ගෙ ආගමට අපහාස කොරලාය කියලා පාරට බැහැල කල කෝලහාල කොරලා මලා, අතපය කඩා ගත්තා. ඔය විජ්ජුම්බරේ බලාගෙන ඉදලා මමත් අපේ අම්මාට කතා කොරලා කිව්වා, “අම්මේ, ලංකාව බෞද්ධ රටක් වීමේ අගේ දැන් තමයී තේරෙන්නේ” කියලා.

අපහාස කියන කාරනය ගැන බුදු හාමුදුරුවො අලංකාරෙට පැහැදිලි කොරලා තියෙනවා. අනිත් කිසිම ආගමක මට එවැනි අලංකාර අවවාදයක් හමුවෙලා නැහැ. ඒ එක අවවාදයකින්වත්, අපහාස කල පුද්ගලයන් පන්නා දමන්න්වත්, දඩුවම් කරන්නවත් කියලා උන්නාසෙ කියලා නැහැ. කම්පාවෙන්නවත් විස්සෝප වෙන්නවත් කියලා නැහැ. එහෙමත් අලංකාරයක්.

බුදුන්ගෙ කාලේ, බුදු රූප ඉස්සෙරහින් හිටගෙන පින්තූර ගත්තු උදවියනම් නොවෙයී, ඊට වඩා බොහොම බරපතල නොක්කලේ දාපු උදවිය හිටියා. උන්නාස්සෙ ඒ උදවිය එක්ක අරෝවට ගියේ නැහැ. පිය රජතුමා ලගට ගිහිල්ලා, මහ උලුගෙදර යවන්න නීතී සම්පාදනය කොරන්න යැයී ඉල්ලා හිටියේ නැහැ. බුදුන්ගේ මේ නොසැලෙන කරුණා ගුණය දැකලා සමහරු බුදුන් සරණත් ගියා කියන්නේ ඕන්.

ඉතින්, අපි ඔය බුදු රූපයක් ඉස්සෙරහ ඉදගෙන පොටෝ කෑල්ලක් ගත්තාය කියලා, දඩුවම් කොරන්න යනවානම්, ඒ කාරනය කොරන්න වෙන්නේ, බුදුන් දෙසාපු ධර්මයට අති මහත් නිගරුවක් කොරලායී. බුදුහාමුදුරුවෝ කියලා තියෙන්නේ, තමන්ගේ පිරුනුවන්පෑමෙන් පසුව ධර්මය තම තනතුරේලා සලකන්න කියා මිසක්, බුදු රූප තමන්ගේ තනතුරේලා සලකන්න කියලා නොමෙයී. අනේ ඕන් මට දැනෙන ආකරයටනම් නම්, බුද්ධ ධර්මයට අපහාස කොරනවා කියන්නේ, බුදු හාමුදුරුවන්ට අපහාස කොරනවා කියන එකයී. බුද්ධ ධර්මයට ගරු කරනතාක්, ඔය ඇලෙක්සෙන්දර් මහ රජ්ජුරුවො එක්ක ඉන්දියාවට ආපු ග්රිසියෙ උදවිය ඉස් ඉස්සෙල්ලාම හදාපු බුදු පිලිම වලත් ගෞරවය තියෙයී. වරද වරදක් බවත්, වරදට අනුකම්පා කොරන බවත් පෙන්නුවොතින්, අනිත් ආගම් වල උදවියටත් ආදර්ශයක් වෙන්න පුලුවන්.

මම කියන්නේ නැහැ, අපි මෙවැනි කාරනා ගැන කතා බහ නොකර ඉන්න ඕනෙයැයී කියා. වරදක් කාරුණිකව පෙන්වා දීමත්, පෙන්වා දුන් වරද පිලි ගැනීමක් හොද ගුණයක් නොවැ. පුරස්නෙ මේ දේවල් ගැන කතා බහ කිරීමෙ වටිනාකමක් දැන් නැති කමයී. ඒ කියන්නේ, මේ ගැන කතා කොරනකොට අපහාස කොරන එකවත්, මඩ ගහන එකවත් ගැන නෙමෙයී. අපි දැන් මෙවැනි කාරනා සමතයකට පත් කොරන්න කතා බහ කෙරීම වෙනුවට, අරාබි රටවල වගේ නීති කෙටුම් පත් සකසලා තියන එක ගැනයී. අපිත් ඉතින් පකිස්තානය, ඇෆ්ගනිස්තානය වගේ වෙන්න පාර කපාගෙන ඉවරයී. ඔය පරේ යන්න දත කට මැතගෙන, බත් මුලකුත් බැදගෙන ඉන්න අය ගජරාමේට ලංකාවෙ ඉන්නවා.

පහුගිය සාජ්ජෙදී මගේ සංගීත රුචිකත්වය ගැන දොඩලා තිබුන නිසා ඒ ගැන කියන්නේ නැතිව කතාව ඉවර කොරන්න බැහැ. මම Buddha Bar සංගීත එකතුවට කැමතියැයී කොහේදෝ කියලා ලියලා තිබුන නිසා අපේ උදවිය මගේ හැදියාව ගැන පුරස්න කරලා තිබුනා. ඇෆ්ගනිස්තානේ සංගීතය තහනම් කොලා වගේ ලංකාවෙ උදවියත් Buddha Bar සංගීත එකතුව තහනම් කොරන්න යැයී කාලයක් දඟ දැම්මානේ (මට මතක හැටියට තහනම් කොලාද කොහෙද?). ඔය ගැන කියන්න තියෙන්නෙ අමරදේව උන්දෑ හැම වංගියෙම කියන කාරනයමයී. " සංගීතය රසවිදීමේ හැකීයාව හැම දෙනාටම ලැබිලා නැහැ. සංගීතය රසවිදින්න පෙර කල කුසල් තියෙන්න ඕනෑ" ඕන් අහපු නැති උදවියට අහන්නත් එක්ක මම Buddha Bar සංගීත එකතුවෙන සින්දූ කීපයක් මෙතනට එකතු කෙරුවා.

This text will be replaced by the flash music player.

04 August, 2008

මේ වෙබ් පිටුවට ඇතුලුවීම සිංහල බෞධ්දයන්ට තහනම්. (අණපරිදී : මහින්ද රාජපක්ෂ)

මේ දවස්වල ගජරාමෙට වැඩ. අනිත් බ්ලොග් වලට සැරින් සැරේ හොට ඔබනවා මිසක්කා, වෙලාවක් නැහැ කිසිම දෙයක් කුරුටු ගාන්න. ඒ කොයී වුනත් මේ ගැනනම් කිසිම දෙයක් කුරුටු නොගා ඉන්න බැහැ.

ඔන්න ඉතින් මහින්ද ගොයීයා ඉන්ටර්නෙට් එකේ අසැබියැයී කියන එවාට කඩුලු හදන්න කමිටුවක් පත් කොරලා. අපි ආන්ඩුවෙන් ගොඩක් දේවල් ඉල්ලුවා තමයී. ජීවන වියදම අඩු කොරනැයී කීවා, දූශනය නැති කොරන්නැයී කීවා. ඒ වුනාට මම දන්න තරමට කවුරුවත් "අසැබිදේට" කඩුලු දාන්නයැයී ඉල්ලා හිටියේ නැහැ.

සුද්දා කාලයක් තිස්සේ මුලු ලෝකෙම තමන්ගේ ආගමට හරවාගන්න දඟ දැම්මා. වැඩිපුරම දඟ දැම්මේ ඇමෙරිකාවෙ උන්දෙලා. (පස්සේ පස්සේ ඔය කෙරුවාව අලුතෙන් සල්ලි හොයාගත්ත අරබිය, ඉරානය වගේ රටවලුත් කොරන්න පටන්ගත්තා තමයී) කොහොම උනත් වැඩේ හරියට හරි ගියේ නැහැ. උන්දෙලා පටන් ගත්තා අලුත් වැඩක්. මිනිස්සු අබෞධ්ද කොරනවා වෙනුවට බුද්ධ ධර්මය, සංස්කෘතිය, අබෞධද කොරන්න. රටේ නීතී රීතී අබෞධ්ද කොරන්න. උන්දෙලාගෙ ගුණධර්ම අපිට පුරුදු කොරන්න. හිමින් වැඩේ වෙන තරමට හොදයී. කාටවත් දැනෙන්නේ නැහැ. වැඩේ කිරි ගහට ඇන්නා වගේ හරී.

ඕල්කොට් ගොයීයා තමයී පලවෙනීයා. (උන්දැගේ Theosophical සමාජයේ දර්ශනය තමයී හිට්ලර් ගොය්යත් පාව්ච්චි කෙරුවෙ) උන්දෑ ඉස්සෙලාම බෞධද කොඩියක් කියලා මලදානයක් හැදුවා. බුදධ ධර්මය කියන්නේ ලක්සෙට කොඩිදාන කෙරුවාවක්වත්, කොඩිදාගෙන කල්ලි ගැහෙන කෙරුවාවක්වත්, ලෝකෙට පේන්න කොඩි දාන කෙරුවාවකුත් නෙමෙයී. බුදධ ධර්මයෙයී අනෙක් සමහර ආගම් වලයී ප්‍රදාන වෙනසත් ඒකයී. ඊලගට උන්දැ පුරුදු කොරා කාඩ් යවන්න, කැරොල් කියන්න, පන්දන් පත්තු කොරන්න... පන්සල් වල ගන්ටාර හයී කොරන්න… කොටින්ම කියනවානම් ක්‍රිස්තියානි ආගමේ දුරු තුනපහ මල්ල ගෙනල්ලා හැලුවා ලංකාවේ බුදධ ධර්මය ඇතුලට. දැන් අපිත් කොඩි දාගෙන, කාඩ් තැපැල් කොරනවා.

ඊලගට පටන්ගත්තා බෞධද ඉස්කෝල කියලා කෙරුවාවක්. ආගමික පාසල් වලින් ආගමික කල්ලි හදන එක බුදධ ධර්මයට අදාල දෙයක් නෙමෙයී. මමත් ඉස්කෝලෙ යනකම් අවුරුදු 12ක්ම ගුටිකන බයට දවසට දෙවතාවක් ගාථා කීවා. හරියට කීවෙ නැතෙයී කියල ගුටිත් කෑව. ඒ මදිවට, පල්ලියෙන් කොපි කරල ඉරිදා ඉස්කෝලෙකුත් පටන් ගත්තා. කවි පාඩම් නැත්තම් ගුටි කෙලියයී. හරියට පකිස්තානේ පල්ලියෙ ඉස්කෝලෙ වගේ. මම මේ කියන්න හදන්නේ, උන්දැ කතෝලික ආගමෙ ඔක්කොම කෙරුවාවල් ගෙනල්ලා බුද්ධ ධර්මයට පන්ගාත්තු කොරල, බුදධ ධර්මය, බුද්ධාගම කොරපු බවයී. පලවෙනි පියවර සාර්තකයී. දැන් අපී බුද්ධ ධර්මය පිලිපදිනවා වෙනුවට, බුද්දාගම අදහනවා.

ඊලග කෙරුවාව තමයී බුද්ධගමට අලුතෙන් ගුණධර්ම හදුන්වලා දෙන එක. පටන් ගත්තා ඇදුමෙන්. ගෑනු ලමයී බයීබලේ දොඩලා තියෙන විදිහට අදින්න ඕනේ, කලිසම් ඇදීම නරකයී. මොකැයී, බයීබලෙ දොඩලා තියනවා ගෑනු පිරිමි ඇදුම් අදින එකයී, පිරිමි ගෑනු ඇදුම් අදින එකයී අපායෙ යන කෙරුවාවක්යැයී කියලා. ඉතින් පන්සල් වදින්න යනවනම් බවලත් උදවිය ගවුමක් හරි සාරියක් හරි අදින්න ඕනේ. මමත් ඉතින් කාලෙකට ඉස්සෙලා කැප්පිටිපොල වගේ කොන්ඩෙයී දැලි රැවුලයී වවාගෙන ගියා පිරිවෙනට ලොකූ උන්නාස්සෙ හමු වෙන්න. උන්දැ, "මොකොයී මේ ගෑනු ලමයී වගේ කොන්ඩෙ වවාගෙන" කියලා දාපි උලක්කුවක්. මට ඉතින් ඕව අහලම පුරුදු නිසා ගානක් නැහැ. ඒ වුනාට කාරනාව තමයී, අපිත් දැන් බයීබලේ තියන විදිහට කොන්ඩෙ කොටට කපන්න ඕනේ. නැත්තම් ඉතින් සිංහල බෞධද සමාජෙන් අපහාසේ.

කසාද නොබැද කෙල්ලෙක් කොල්ලෙක් එක්ක ඉන්නවා කියන්නේ ලෝකෙ හූලන්නෙ නැති වරදක්. ඔය ලගකදී පත්තරේ හෙඩිමක් තිබුනෙ "අනර්කෙලීට තහනම් ගසේ ගෙඩි තිත්ත වෙයී" කියලා. ගස තහනම් වීම සහ ගෙඩි කෑම නරක් වීම කතෝලික අදහස් මිස, බෞධද රටක තිබිය හැකී කාරනා නෙවෙයී. දැන් ඉතින් හොද සිංහල බෞධදයෙක් කියන්නේ, බයීබලේ තියන විදිහට ඇදුම් ඇදලා, කොන්ඩෙ කපලා, කසාද බැදල, ලමයීට තලලා ජීවත් වෙන උදවිය. ලමයීට තලලා හදන හැටි විතරක් නෙමෙයී, හවස දෙකෙන් පස්සෙ කාන්තාවන්ට රස්සා කොරන එක තහනම් කොරන්න ඕනෙ කියලත් දවසක් එක උන්නාසෙ කෙනේක් බණට කීවා. ඒ විතරක් මැදැයී, බයිබලේ තියන ලෝක විනාසෙ ලග ලගදීම එනවායැයී තව උන්නාසෙ කෙනේක් කීවා. (බය ගන්වා, ආගමික කිරීම බෞධද නොවේ). කවුරු මොන බයීලාව කීවත් මේ වෙනකොට අපේ ගුණධර්ම පද්ධතිය සම්පූර්නයෙන්ම කතෝලික කොරලා ඉවරයී. ඒවා ප්‍රචලිත කොරන්න, අලුත් අලුත් දේවල් ඇතුලත් කොරන්න, දැනුවත්ව හෝ නොදැනුවත්ව සිවුරු ඇදෙගෙන ඉන්නා උදවිය කටයුතු කොරනවා.

"අසම්ජ්ජාතකයා" කියන්නේ දැන් සිංහලේ අපහාසයක්. දෙමාපියන් කසාද නොබැදීම බෞධද රටක අපහසයක් වෙන්නට බැහැ. කාමය සහ බැදුනු දේ දැන් "අසැබ්යී". සිංහලයා හෝ, බෞධද ධර්මය කාමය අසැබ් දෙයක් ලෙස සැලකුවෙ නැහැ. කාමය නැත්තම් සාසනයට ලමයී කොයී? කාමය අසැබි දෙයක්යැයී අපේ ගුණධර්ම පද්දතියට ඇතුලත් කලේ, කතෝලික පද්දතියෙන්.

ඇමරිකාවෙ කතෝලිකයෝ සමලිංගිකයන්ව හම ගහන්නේ නැතිටික විතරයී. ඒ උදවියට ඒරටේ ව්‍යවස්ථාව නිසා කිසිම දෙයක් කොරගන්න බැරිවෙනකොට, අපේ රටවලට ඇවිල්ල අලුතින් නීතී පනවන්න වැඩ කොරනවා. අපිත් සාදු සාදු කියලා උන්දැලාගේ දේවල පිලි ගන්නවා. අලුතින් නීතී සම්මත කොරනවා. පීරිස් ගොයීයා, පාප් වහන්සේට ඕන විදිහට ලංකාවේ නීතී ඕක්කොම වෙනස් කොරා. කොටින්ම කියනවානම් දැන් කතෝලික, ඉස්ලාම් ආගමේ වගේ, අපිත් පෝයට ආගමික නීතී පනවනවා. නීතී රීතී දාලා, මිනිස්සුන්ව හදන්න පුලුවන්නම්, සිද්දාර්ථ කුමාරයත් බුදු කම පසක තබා, සක්විති රජ වෙලා ශරියා නීතිය වගේ නීතී හදන්න තිබුනා නොවෑයී.

තවමත් අරාබිය, ඉරානය සහ ඇමරිකානු පල්ලි (Mormons, Evangelicals, etc...) ඒ අයගේ ආගමික ධර්මතා ලෝකය පුරා ප්‍රචලිත කොරන්න විසාල මුදල් සම්බාරයක් වියදම් කොරනවා. ඇමරිකාවේ (සහ යුරෝපයේත් ) වැඩිහිටියන්ට පමනක් තියෙන කාමය සහ බැදුනු දේ, "අසැබි" යැයී ලේබල ගහන්න විශාල වැර වෑයමක් දරනවා. තහනම් කිරීමට විශාල උත්සහයක් ගන්නවා. ජෝජ් බුශ් ගොයීයා තමයී War On Porn වැඩසටහන පටන් ගත්තෙ. ඕන් ඕකෙ ප්‍රතිපල තමයී දැන් අපේ රටේත් මතුවේගනෙ එන්නේ. අපිත් ඉතින් සාදු සාදූ කියලා උන්දෙලා කොරන දේවල් අපේ දේවල් අපේ ජාතික චින්තනයයැයී කියලා බාර ගන්නවා.

අන්තර්ජාලය කියන්නේ මනුශ්‍ය ඉතිහාසයේ පලවෙනි වතාවට ලෝකයේ ඕනෑම පුද්ගලයෙකුට වේගයෙන්, පහසුවෙන්, නිදහසෙ අදහස් ප්‍රකාශකරන්න ලැබුනු අවස්තාව. සී ක්ලාක් මහත්තයා කියාපු විදිහට මනුශ්‍ය ශිෂ්ටාචාරයේ, දෙවෙනි පියවරේ ආරම්බයෙන් කොටසක්. ඕකෙන් වැඩි හරියක් පහර වැදුනේ ආගම් වලට. උන්දෙලා ඉතින් පුලුවන් හැම විදිහට අන්තර්ජාලය මොට කරන්න දඟ දානවා.

ඔය උදවියගෙ ප්‍රදාන කතාවක් තමයී, ලමයී, වැඩිහිටියන්ට පමනක් තියෙන වෙබ් පිටුවලට යනවාලූ. හොද තර්කයක්. ඒ වුනාට ඒක වලක්වාගන්න රජ්‍ය නීතී නැතිව යස අගේට දෙමව්පියන්ට පුලුවන්. පරිගනකය ගෙදර සාලෙන් තියන්න. Content Adviser පනගන්වන්න. තවත් ඕනෙනම්, පරිගනකයට දාගන්න ඕන තරම් content watch සහ parental controls වැඩසටහන් තියනවා. ආන්ඩුව අනිත් වැඩ නවත්තලා ඕක කොරන්න ඕනේ නැහැ. අනේ ඕන්, අපේ ලමයී ගැන ඔච්චරම කැක්කුමක් තියනවානම්, ලමයීට යන්නත් එක්ක පාර දෙපත්තෙන් පදිකවේදීකා හැදුවෙතින් මොකෑයී. හැප්පිලා මැරෙන එක, හෙලුවෙන් ගෑනු දකීනවාට වඩා නරකයී නොවැ.

අනිත් කාරනය තමයී, ඕවා නිසා ස්ත්‍රී දූශන වැඩි වෙනවාලූ. ලස්සනට කියනවා මිසක් තහවුරු කරපු දෙයක් නෙවෙයී. ඇත්තටම කතාවෙ අනිත් පැත්ත. පහුගිය අවුරුදු පහේ, ඇමරිකාවෙ හොදටම අන්තාර්ජාල පහසුකම් තියන ප්‍රාන්ත සහ නගර වල ලිංගික අපරාද විශාල වශයෙන් අඩුවෙලා තියනවා. පහසුවෙන් කාම රූප බලන්න, අනිත් උදවිය සමග කතා බහ කොරන්න තියෙන අවස්තාව නිසා එහෙම වුනු බවයී සිහි බුද්දිය ඇති අය කියන්නේ. යාච්ඤා කිරීමේ ප්‍රතිපලයක් බවයී අනිත් උදවිය කියන්නේ.

කොහොම උන්ත් මේ සියල්ලගේම යටි අරමුන තමයී, අන්තාර්ජාලය පාලනය කිරීමයී, කතෝලික ගුණධර්ම හැකි පමණ අපේදේ ලෙස වගා කිරීමයී. මටනම් ඉතින් ඕවාට සාදූ සාදූ කියන්න බැහැ. තව ඉස්සරහට තමයී හොද හොද දේවල් බලාගන පුලුවන් වෙන්නේ.